ആഗമാന സുറിയാനി ഓർത്തഡോക്സ് സഭയുടെ പരമ മേലദ്ധ്യക്ഷൻ കാലം ചെയ്ത പരിശുദ്ധ മോറോൻ മാർ ഇഗ്നാത്തിയോസ് സഖാ പ്രഥമൻ പാത്രിയർക്കീസ് ബാവയുടെ അനുസ്മരണം യോഗം നാളെ മാഞ്ചസ്റ്റർ സെന്റ്. ജോർജ് പള്ളിയിൽ നടത്തുന്നതായിരിക്കും.
പരിശുദ്ധ പത്രോസിന്റെ അപ്പസ്തോലിക സിംഹാസനത്തിൽ 3 ദശകത്തിലേറെക്കാലം വാണരുളിയ പരിശുദ്ധ പിതാവിന്റെ വേർപ്പാട് ലോകമെമ്പാടുമുള്ള സഭാ മക്കളെ അതീവ ദുഖത്തിലാഴ്ത്തിയിരുന്നു. സഭയുടെ വലിയ ദൌത്യം സമാധാനം ആണെന്നുള്ള സന്ദേശവും പേറി പരിശുദ്ധ പിതാവ് 4 പ്രാവശ്യം ഭാരത സന്ദർശനം നടത്തിയിരുന്നു. ചരിത്രത്തിലെ നാഴികക്കല്ലായി തീർന്ന ബാവയുടെ ഓരോ സന്ദർശനവും കേരളത്തിൽ സഭാ മക്കൾക്ക് അവിസ്മരണീയമായ ഓർമ്മകൾ ഉണർത്തുന്നതാണ്. ലോക ക്രിസ്ത്യൻ കൌണ്സിൽ പ്രസിഡന്റ് ആയിരുന്ന ബാവ അന്തോക്യൻ സഭയിലെ 122 - മത്തെ പാത്രിയർക്കീസ് ആയിരുന്നു.
മാഞ്ചസ്റ്ററിലെ വിഥിൻഷോ സെന്റ്. എലിസബത്ത് ദേവാലയത്തിൽ രാവിലെ വിശുദ്ധ കുർബാനയ്ക്ക് ശേഷം ഇടവക വികാരി റവ. ഫാ. സജി ഏബ്രഹാമിന്റെ അധ്യക്ഷതയിൽ അനുസ്മരണ യോഗം നടത്തുന്നതായിരിക്കും.